బ్రహ్మ ఆయువు…life span of Brahma

మనుష్యుల ఆయుష్షు నూరు ఏండ్లు కదా!అట్లానే బ్రహ్మ ఆయుష్షు కూడా నూరు ఏండ్లే.అందులో మొదటి సగము పూర్వ పరార్థము అని అంటారు.అలాగే రెండవ సగము ద్వితీయ పరార్ధము అని అంటారు.మొదటి పరార్ధమునకు బ్రహ్మ కల్పము అని పేరు వచ్చింది.ఎందుకంటే ఆ కల్పము మొదట్లో బ్రహ్మ పుట్టాడు.తరువాత దానికి శబ్ద బ్రహ్మమని పేరు కూడా పెట్టబడినది.విష్ణు దేవుని నాభి నుంచి పద్మము పుట్టింది కదా!దానిని పద్మ కల్పము అని అంటారు.ప్రస్తుతము పూర్వ పరార్ధము అయిపోయి ద్వితీయ పరార్ధము జరుగుతున్నది.ఈ పరార్ధము మొదట శ్రీ మహా విష్ణువు వరాహ రూపము దాల్చాడు.కాబట్టి దీనికి వరాహ కల్పము అనే పేరు సార్ధకమయినది.నిజం చెప్పేదా?పరమాణువు మొదలుకుని పరార్ధాంతము వరకు గల కాలము విష్ణువు కు ఒక నిమేషకాలము.అతడు కాలమునకు కర్త.అంతేకానీ కాలము అతనికి కర్త కాదు,కాజాలదు. ఇప్పుడు బ్రహ్మాండకోసము గురించి చెబుతాను.ఇది పదహారు వికారములతో కూడి ఉంటుంది.పృథివి మున్నగు పంచభూతములతో పరివృతము అయి ఉంటుంది.పది ఆవరణలు కలిగి ఉంటుంది.పంచాశత్కోటి విస్తీర్ణము కలిగి ఉంటుంది.దీని మధ్యలో శ్రీహరి పరమాణు రూపములో ఉంటాడు.లెక్కలేనన్ని మహాండకోశములు అతని కుక్షి యందు నిక్షిప్తమయి ఉంటాయి.అప్రమేయుడు ,నిరతిశయుడు,ధగద్ధగమానమయిన ప్రకాశముతో విరాజిల్లుతుంటాడు.అతనిని వర్ణించడం బ్రహ్మాది దేవతలకు కూడా సాధ్యం కాదు. Life span of humans is hundred years.Brahmas life span is also one hundred years.The first half of it is called Poorva paraardhamu.Second half is called Dvitheeya Paraardhamu.First half is also called as Brahma Kalpamu.Because Brahma was born at the start of that Kalpa,it is called as Brahma Kalpamu.Later it was called as Sabda brahmamu.Lotus rose from umbilicus of Vishnu.So,it is called as Padma Kalpamu.Poorva Paraardhamu is over.Now,Dvitheeya Paraardhamu is running.Because of the reason that Vishnu took up Varaaha Avathaaram at the start of this Kalpa,this is named as Varaaha Kalpamu.Starting from an atom to the end of Paraardhamu...this time is just a minute to Vishnu.He created Time.Time has no say in directing Him. Brahmaandakosamu consists of sixteen vikaaramulu or nuances.It is made of Pancha bhoothamulu or Elements.It has ten layers.It has huge surface area of five billion miles.In the midst of this,Vishnu is in atom form.But he has so many Mahaandakosamulu or entire planetary systems in his abdomen.He is shining like one crore Suns shining simultaneously.Even Brahma and other deities fail to praise Him properly and perfectly.Vishnu is the Supreme and Infinite.No one can match Him.

ప్రళయము….cosmic dissolution

బ్రహ్మ యొక్క దివ్య ప్రమాణ కాలమున పదునులుగురు మనువులు ఉంటారు.ఒక్కొక్క మనువు కాలము డెబ్బై ఒక్క దివ్య యుగములు.ఆ మనువులు,దేవతలు,మునులు,సప్తర్షులు భగవదంశములో పుట్టి లోకాలను పాలిస్తారు.మహా విష్ణువే పితరులు,తిర్యక్కులు,నరులు...ఇలా చాలా రూపాలలో పుట్టి,మన్వంతరములందు లోకాలను పాలిస్తూ ఉంటాడు. పగటి వేళ అయిపోగానే బ్రహ్మ నిద్ర పోతాడుఆ రాత్రి చిమ్మ చీకటిగా,గాఢాంధకారము అలుముకుని ఉంటుంది.సూర్య చంద్రులే కాదు,ముల్లోకాలూ కనిపించవు.మహా విష్ణువు శక్తి వలన ఏర్పడిన సంకర్షణాగ్ని సర్వమూ దహించి వేస్తుంది.ఆ జ్వాలల వేడికి మహర్లోక నివాసులు కమిలిపోయి,జనలోకానికి పోతారు.అప్పుడు ప్రళయము ఏర్పడుతుంది.మహా సముద్రము నీటితో అన్ని లోకాలనూ ముంచి వేస్తుంది.అప్పుడు మహా విష్ణువు సముద్రము మధ్యలో శేషతల్పము పైన పడుకుని,యోగనిద్రలో ఉంటాడు.అప్పుడు భూర్భువరాది లోకములు అన్నీ అతని కుక్షియందు నిక్షిప్తమయిఉంటాయి.జనలోక వాసులు అతనిని స్తుతిస్తూ ఉంటారు. Cosmic dissolution or pralaya... In the full term of Brahma,there will be fourteen manuvulu.Each Manuvu has a term of seventy one celestial eras.Those Manuvulu.. father of mankind,deities,sages,saptharshis are born with Almightys ansh or part and rule these worlds.Maha Vishnu,Himself,is born as Pitharulu...ancestral fore fathers,deities,Thiryakkulu...animal kingdom,and humans and rules these worlds. As soon as day comes to an end,Brahma goes to sleep.Night is pitch dark.Sun,Moon and other planets and worlds can not be seen.Sacred and powerful Fire which eminates from Maha Vishnu destroys everything.Due to the severe heat and dust,residents of Maharlokas run away and take shelter in Janalokas.Then Destruction on massive scale occurs and waters of the oceans submerge all the worlds.Then,Maha Vishnu is seen lying on Sesha naagu,amidst the ocean,and in deep sleep.All the worlds,which he created,will be seen lying dormant in his abdomen.Who ever are present on janalokas...realms of humanity,will be chanting His name.

యుగములు….epoch or era

యుగములు నాలుగు.అవి కృత యుగము,త్రేతాయుగము,ద్వాపర యగము మరియు కలి యుగము.ఇందులో కృత యుగము నాలుగు వేల దివ్య వర్షములు నడుస్తుంది.దాని సంధ్య ఎనిమిది వందల ఏండ్లు.త్రేతా యుగము మూడు వేల దివ్య వర్షములు ఉంటుంది.దాని సంధ్య ఆరు వందల ఏండ్లు.ద్వాపర యుగము రెండు వేల వత్సరములు.దాని సంధ్య నాలుగు వందల ఏండ్లు.కలి యుగము వేయి సంవత్సరములు.దాని సంధ్య రెండు వందల ఏండ్లు.సంధ్యాంశ మధ్యములో ధర్మము ఎక్కువగా ఉంటుంది.సంధ్యాంతమున ధర్మము తక్కువగా ఉంటుంది. ధర్మ దేవత కృత యుగములో నాలుగు పాదాల మీద ఉంటుంది.త్రేతా యుగములో మూడు పాదాల పైన ఉంటుంది.ద్వాపర యుగములో రెండు పాదాలతో సంచరిస్తుంది.కలి యుగము వచ్చేటప్పటికి ఒక్క పాదం పైన నడుస్తుంది.అంటే పాదములు తగ్గే కొద్దీ ధర్మము తగ్గుతూ వస్తుంది,అలాగే అధర్మము పెరుగుతూ వస్తుంది. భూలోకము,భువర్లోకము,స్వర్ణ/సువర్లోకములకు పైగా బ్రహ్మ నివసించే సత్య లోకము ఉంది. వేయి యుగ చతుష్టయములు జరిగితే బ్రహ్మకు ఒక పగలు అవుతుంది.అతనికి రాత్రి కూడా వేయి యుగ చతుష్టయములు అవుతుంది.ఆయన నిద్రించే సమయములో లోకాలు నశిస్తాయి.మేలుకుని ఉంటే లోకములు ఏర్పడతాయి. /////:::::/// Epoch or era or yugamu..... We have four epochs or yugamulu in our mythology.They are Krutha yugamu,Threthaa yugamu,Dwaapara yugamu and Kali yugamu.Time period of Krutha yugamu is four thousand celestial years.Its twilight or dusk period is eight hundred years.Threthaa yugamu period is three thousand celestial years.Its dusk is for six hundred years.Time period of Dwaapara yugamu is two thosand years.Its dusk is four hundred years.Kali yugamu has the time span of thousand years.Its dusk is for two hundred yeras.Righteousness or Dharma flourishes during first part of Sandhya or dusk.It diminishes as it reaches the fag end. Goddess of righteousness or Dharma devatha is considered to be a cow and walks on its all the four legs during Krutha yugamu.During Threthaayugamu it walks on three legs.During Dwaapara yugamu,it walks on two legs.During Kali yugamu,it walks on only one leg.We can conclude that as the legs of Dharmadevatha lessen,dharma or righteousness is also degrading while Adharma is on the increasing mode. Above Bhuloka,Bhuvarloka and Swarna /Suvar loka,there is Sathya lokam.Brahma lives there.Thousand yuga chathushtayamulu,all the four yugas,make one day for Brahma.Similarly another thousand yuga chathushtayamulu make one night for Brahma.All the lokas or universe is destroyed when Brahma sleeps and are formed again when he wakes up.

కాల లక్షణము

మైత్రేయుడు కాల లక్షణము గురించి చెప్పడము మొదలు పెట్టాడు.విదురా!లేత సూర్యుని కిరణ సంగతమయి గగనస్థమగునది త్రస రేణువు.అంటే సూర్య కిరణాలు పడే దగ్గర ఆ వెలుగులో సూక్ష్మ ధూళి కణాలు చూస్తాము కదా!అవి అన్నమాట.దాని ఆరవ భాగము పరమాణువు ఉంటుంది.అదే సూక్ష్మ కాలము.సూర్య మండలము లోకము నందు పండ్రెండు రాశులలో చరించు కాలము మహా కాలము.రెండు పరమాణువులు కలిస్తే అణువు అవుతుంది.మూడు అణువులు ఒక త్రస రేణువు.మూడు త్రస రేణువులు ఒక్క తృటి.నూరు తృటులు ఒక వేధ.మూడు వేధములు ఒక లవము.మూడు లవములు ఒక నిమేషము.మూడు నిమేషములు ఒక క్షణము.అయిదు క్షణములు ఒక కాష్ఠ.పది కాష్ఠలు ఒక లఘువు.పదహైదు లఘువులు ఒక నాడి.రెండు నాడులు ఒక ముహూర్తము.ఆరు,ఏడు నాడులు మనుష్యులకు ఒక ప్రహరము.దీనినే యామము అని కూడా అంటారు.నాలుగు యామములు ఒక పగలు.నాలుగు యామములు రాత్రి.ఒక రాత్రి ఒక పగలు కలిస్తే ఒక దినము.పదహైదు దినములు ఒక పక్షము.శుక్ల పక్షము,కృష్ణ పక్షము అని రెండు పక్షములు ఉంటాయి.రెండు పక్షములు ఒక మాసము.ఒక మాసము పితృ దేవతలకు ఒక దినము.రెండు మాసములు ఒక ఋతువు.ఆరు మాసములు ఒక అయనము.ఉత్తరాయనము,దక్షినాయనము అని రెండు అయనములు ఉన్నాయి.రెండు అయనములు ఒక సంవత్సరము లేదా పన్నెండు మాసములు.ఒక సంవత్సరము దేవతలకు ఒక దినము.నూరు సంవత్సరములు మనుష్యుల ఆయుఃప్రమాణము.సూర్యుడు కాలాత్ముడు,విశ్వమయుడు.అతను నక్షత్ర గ్రహ మండలము నుండి పరమాణువు మొదలుకొని సంవత్సర కాలమానములోని చాలా మాసములలో కనుపిస్తుంటూ ఉంటాడు.ఆ మాసములు సౌరము,బార్హస్వత్యము,సావనము,చాంద్రము మరియు నాక్షత్రము అనునవి.కాల మానము సంవత్సరము,పరీవత్సరము,ఇడా వత్సరము,అనుత్సరము,వత్సరము అను భేదములు కలగి ఉంటుంది.సూర్యుడు ఈ వత్సర పంచక ప్రవర్తకుడు.ఆయన ఆయురాది వ్యయమున విషయాసక్తిని మళ్ళిస్కూ,కోరికలు కలవారికి యజ్ఞముల మూలమున స్వర్గాది ఫలములను చేకూరుస్తుంటాడు.

దేవ వర్గము సృష్టి

దేవ వర్గము ఎనిమిది రకాలుగా విభజన కాబడ్డది.అందులో విబుధులు,పితృ దేవతలు మరియు సురాదులు అని మూడు భేదములు;గంధర్వులు,అప్సరసలు ఒక తెగ;యక్షులు,రక్షసులు ఒక తెగ;భూత ప్రేత పిశాచములు ఒక విధము;సిద్ధులు,విద్యాధరులు,చారణలు ఒక తెగ;కిన్నర కింపురుషులు ఒక తెగ;ఇట్లా ఎనిమిది రకములుగా విభజన కావించబడినది.ఈ దేవ వర్గమును కూడా కలుపుకంటే మొత్తము సృష్టి పది రకములు. కల్పాంతమున అమోఘ సంకల్పుడు అయిన శ్రీహరి రజో గుణముతో కూడి,తానే సృష్టి కర్త అగుచూ స్వస్వరూపమున విశ్వమును కల్పించాడు.అంతా ఆయన మాయే!ఇంకేమీ వేరే లేదు.దాని ప్రభావము వలన పూర్వాపర భావములు తెలియ కుండా గందర గోళం అనిపిస్తుంది.నిజానికి చెప్పాలంటే సుడి గుండం లో పడిన చెట్లు ఎట్లా తిరుగుతుంటాయో,అలా ఉంటుంది పరిస్థితి.ఈ కల్పములో ఉండే దేవతలు,అసురులు ప్రతి మన్వంతరములోనూ నామ రూపాలు కలిగి ఉంటారు.దేవ సృష్టి లోనే కౌమార సృష్టి అని ఇంకొకటి ఉంది.అది ప్రాకృత,వైకృత ఉభయాత్మకము అయి ఉంటుంది.అదే సనత్కుమారాది సృష్టి.వీరిలో దేవత్వమూ,మానుషత్వమూ రెండూ కలగలిపి ఉంటాయి.

సృష్టి వివరణ…తొమ్మిది రకములు

సృష్టి అనేది తొమ్మిది విథములుగా ఉంది.వాటిలో ప్రాకృతములు,వైకృతములు ఉంటాయి.అవి కాల,ద్రవ్య,గుణ భేదములచే ప్రతిసంక్రమములు అవుతుంటాయి.మహతత్త్వము మొదటి సృష్టి.అది నారాయణ సకాశమున గుణవైషమ్యము పొందుతుంది.అంటే సత్త్వ రజస్తమో గుణాలు సృష్టికి పూర్వము సమతుల్యంగా ఉంటాయి.కానీ సృష్టి మొదలు అయిన తరువాత వాటిలో అసమానత ఏర్పడుతుంది.దానినే గుణ వైషమ్యము అని అంటారు.ద్రవ్య,జ్ఞాన,క్రియాత్మకమయిన అహంకార తత్త్వము రెండవ సృష్టి.శబ్ద,స్పర్శ,రూప,రసగంధములు అనే పంచభూతన్మాత్ర ద్రవ్యశక్తితో కూడిన పృథివి మున్నగు పంచభూతముల సృష్టి మూడవది.త్వక్కు,చక్షుస్సు,శ్రోత్రము,జిహ్వ,ఘ్రాణము అనే అయిదు జ్ఞానేంద్రియములు,వాక్ పాణి,పాద పయూపస్థములు అనే అయిదు కర్మేంద్రియములు నాలుగవ సృష్టి.పాయువు అనగా మలద్వారము,గుదము...శరీర విసర్జన కు సంబంధించినవి.ఉపస్థ అనగా జననేంద్రియములు...సంతానోత్పత్తికి వినియోగపడే ఇంద్రియములు.సాత్త్వికాహంకారమున పుట్టిన దేవతా గణము ఐదవ సృష్టి.అది మనోమయము అయి ఉంటుంది.జీవలోకమునకు అబుద్ధి వలన ఆవరణలను కలిగించు తామసము ఆరవ సృష్టి.పైన పేర్కొనబడిన ఆరూ భగవంతునికి విలాసార్థమయిన ప్రాకృత సృష్టులు.ఏడవ సృష్టి నుంచి వైకృత సృష్టులు ప్రారంభమవుతాయి.పూవులు లేకనే ఫలములను ఇచ్చు రావి మొదలగు వనస్పతి వృక్షములు,పుష్పించి ఫలించు ఆకులు గల చెట్లు,ఓషధులు,లతలు,వెదుళ్ళు,దుంపలు,మామిడి మున్నగు వృక్షములు ఏడవ సృష్టి.ఎనిమిదవ సృష్టి ఇరవై ఎనిమిది భేదములు గలది.జ్ఞాన శూన్యములై చీలిన గిట్టలు గల వృషభములు,గోవులు,దున్నలు,మేకలు,పందులు,ఒంటెలు మున్నగునివి;చీలని గిట్టలు గల గుర్రములు,గాడిదలు,శరభములు(ఎనిమిది కాళ్ళుగల అతి శక్తివంతమయిన పౌరాణిక మృగములు),చమరీ మృగములు లేదా జడల బర్రెలు;ఐదేసి గోళ్ళు గల కుక్క,నక్క,తోడేలు,పిల్లి,పులి,కుందేలు,సింహము,కోతి,ఏనుగు మున్నగునవి;మొసలి మున్నగు జలచరములు;గ్రద్ద,డేగ,నెమలి,హంస,చక్రవాకము,కాకి,గుడ్ల గూబ మున్నగు పక్షులు;వీటినన్నిటినీ తిర్యగ్గణంబులు అని అంటారు.అంటే జంతు పశు పక్ష్యాదులు.వీటికి వెన్నెముక అడ్జంగా ఉండి,నేలపైన అడ్డంగా నడుస్తాయి. మానవుడు తొమ్మిదవ సృష్టి.అది రజోగుణ ప్రేరితము అయి,పనులు చేయుటకు తగ్గి దుఃఖమునందును సుఖము కోరుకుంటుంది.ఈ మూడు సృష్టులూ వైకృత సృష్టులు.

బ్రహ్మ సృజన

బ్రహ్మ శ్రీహరిని స్తుతించడము అంతా మైత్రేయుడు విదురుడికి చెప్పాడు.ఒక ముఖ్యమయిన విషయము చెబుతూ చెబుతూ మధ్యలో ఆపితే ఎలాఉంటుంది?ఉత్కంఠ తట్టుకోలేము కదా!విదురుడి పరిస్థితి కూడా అలానే ఉంది.ఉండబట్టలేక మైత్రేయుడిని అడుగుతున్నాడు.స్వామీ!శ్రీహరి బ్రహ్మను దీవించి అంతర్థానం అయ్యాడు అని చెప్పారు కదా!ఆ తరువాత బ్రహ్మ ఏమి చేసాడు?దేవ సంబంథమునను,మానవ సంబంథమునను ఈ సృష్టి ఎట్లా చేయగలిగాడు?నాకు వివరంగా చెప్పండి,స్వామీ! విదురుడి మాటలకు ప్రసన్నుడు అయిన మైత్రేయుడు చెప్పడం ప్రారంభించాడు.పుండరీకాక్షుడు బ్రహ్మను దీవించాడు అని చెప్పాను కదా.ఆయన సూచన మేర బ్రహ్మ నూరు దివ్య సంవత్సరములు తపస్సు చేసాడు.ఆ తపోబలముతో తనకు నివాసము అయిన పద్మమును,వాయువును,జలమును కనుగొన్నాడు.తన తపశ్శక్తి వలన చేకూరిన విద్యాబలముతో వాయువును బంధించాడు.గగన వ్యాపి సగు జలమును కనుగొన్నాడు.శ్రీహరి నుంచి తన ధ్యానము,ధ్యాస మరల్చకుండా తదేకంగా మనసు నిలిపి గగన తలమున పద్మమును చూచి,ఆ పద్మకోశములో అణగియున్న లోకములను గమనించాడు.తనకు తానే తెలుసుకున్నాడు.ఏమని?ఈ బ్రహ్మాండ కోటి సృష్టికి శ్రీహరి తనను ఎంచుకున్నాడని.ఇంక జాగు చేయదలచుకోలేదు.ఆ పద్మములోనికి పోయి,అక్కడ ముల్లోకాలను చూసాడు.పదునాలుగు లోకాలను సృజించాడు.తదుపరి దేవతలను సృష్టించాడు.ఆ తరువాత మనుష్యులను సృష్టించాడు.పిదప తిర్యక్కులను సృజించాడు.తిర్యక్కులు అనగా పశుపక్ష్యాదులు అని అర్థము.తరువాత స్థావరములు సృష్టించాడు.స్థావరములు అనగా స్థిరముగా ఒకే చోట ఉండేవి...అనగా చెట్లు. విదురుడికి ఇంకా ఇంకా చెప్పించుకోవాలని ఉంది.అందుకని ఇలా అడిగాడు.ఓ మైత్రేయ మహర్షీ!నీవు ఇప్పుడు చెప్పావు కదా,విష్ణుదేవుని మహిమ వల్లనే లోకములు అన్నీ ఏర్పడ్డాయి అని.ఆ మహిమాన్వితుడు అయిన విష్ణుమూర్తి గురించి చెప్పు.మైత్రేయుడు చెప్పాడు.విదురా!శ్రీహరి కాలానురూపము గైకొని తన్ను తాను ఇట్లా సృజించుకున్నాడు.అతడు సర్వలోకాలలో ఉంటాడు.తనలోనే సర్వ లోకాలూ ఉంటాయి.ఆయనను తప్పించుకోవడము ఎవరికీ కుదరదు.కావున ఈ విశ్వానికి అంతటికీ కర్త,కర్మ,క్రియ అతనే!ఈ విశ్వము అంతా అతని శరీరము నుండే వెలుపలకు వచ్చింది.అది అతని మాయ వల్లనే పుడుతుంది,పెరుగుతుంది,విలయము అవుతుంది.అంతా ఆయన ఇష్టమే!